嚟緊成個星期都落雨呀！Plan咗戶外活動玩唔到都唔駛唔開心，港九新界好多工廠大廈有唔同嘅新興Workshop好啱返Office工嘅你玩下手作仔㗎！
1. 樂器傢俬木工班
市面上好容易就會買到唔同款式嘅木製樂器同傢俬，原來而家有工作坊可以教你自製一系列嘅傢俱、木鼓箱 (Cajon) 同Ukulele (夏威夷小結他)，呢類型嘅Workshop 男仔女仔都玩得，砌完絕對有成功感！自製完樂器仲可以即時嚟個街頭Busking表演，OL、朋友同情侶一定要一齊玩！
2. 3小時Art jamming
姪仔姪女坐唔定又想培養下佢嘅藝術觸角，同佢一齊參加下3小時 Art jamming 畫班啦！有時間俾小朋友發揮下無限創意，學下唔同嘅繪畫方法，畫完仲可以將佢哋嘅第一幅作品帶番屋企！
3. 基本陶瓷製作
有冇睇過《人鬼情未了》(Ghost)？透過陶瓷工作坊抒壓之餘又可以陶冶性情！製作過程由基本嘅拉坯技巧開始學起，少D耐性都唔得呀！專注細節忘記平時嘅煩惱，都係放鬆自己嘅好方法！最緊要係玩完可以帶返公司或者屋企做擺設嘛！
4. 銀河星座燈
想係幾百呎嘅窩居製造浪漫星座夜空圖？而家有工作坊教你用最簡單嘅方法造星座書燈，仲可以自訂星座主題同字句！儲到錢下年去睇北極光之前，帶一本獨一無二嘅書燈做屋企擺設先，有品味又有Taste！
5. 手沖咖啡班
你有舖咖啡癮？成日飲連鎖店咖啡一定幫到你了解咖啡文化，既然想知多D不如參加手沖咖啡班，除咗教你拉花、品味同沖調異國口味，仲可以買埋小型咖啡機、磨豆機同咖啡豆，沖杯正嘢俾女朋友試下你手勢！
參加完藝術工作坊，自己嘅作品梗係值得好好保存，點樣帶你嘅作品返屋企？帶返屋企最好梗係Call Lalamove Van仔，一程車幫你送埋藝術品返屋企啦！唔駛搵傳統Call台，手機App幫你即時送上最高質運送服務！
評論