大學畢業之後搬咗出嚟住，日日返工放工早出晚歸，而家放假至少想有一日留係屋企，Lalamove教你用有限預算 (Budget) 整靚間屋！上網搵齊資料買埋材料自己DIY裝飾擺設，用埋手機App搵貨車，司機幫你送嘢返屋企，今個週末留係屋企同Roommate一齊發揮慳家創意！
1. 木框同牆身
如果你住嘅單位係租，木框架同油漆係你嘅好朋友！搵時間同Roommate睇吓旺角新填地街嘅五金建材舖頭，你會搵到好多超靚木框鑲起你嘅珍藏版Poster，襯埋自己親手揀嘅油牆漆，舖頭老闆一定幫你揀到最靚最平嘅選擇！
2. 地毯與窗簾布
成日見到時裝設計系學生去深水埗布行搵材料做Project？全香港最靚最齊款嘅布料批發就喺呢度啦！窗簾同地毯材料質素好、訂造價錢公道，家庭式親切服務令你屋企添上幾分溫暖，順手買埋枱布同茶几布，你會從此愛上深水埗！
3. 工作檯加座檯燈
搵唔到啱自己嘅工作檯？除咗大型連鎖傢俬舖，工廠大廈樓上舖都啱你要求，首選觀塘工廠區！款色多、價錢合理，揀埋座檯燈分分鐘平過買現成傢俬套裝！工廠區大廈夠密集，買嘢慳番好多時間同腳骨力啊！
4. 輕鬆收納空間分隔
想擁有舒適又合心意嘅居住環境，揀啱傢俬裝飾擺設之餘，都要識簡易收納術同空間分隔，善用有限嘅家居面積為營造氣氛！放工去一去沙田同九龍灣嘅大型連鎖傢俱店，係預算範圍揀收納箱同層架，用顏色同分隔功能管理家居空間，搵嘢方便咗之餘又乾淨企理咗，生活質素大大提高！
