元旦一過，踏入新一年，出街處處都滲透著農曆新年的氣息，不少商鋪都開始推出年貨禮盒。糖果朱古力、蛋卷曲奇、水果、參茸海味⋯⋯辛苦搵嚟自在食，年夜飯、賀年送禮、招呼客人上門拜年，提早準備年貨，係時候啦！
朱古力糖果類
瑞士糖
經典之選，每隻味道都充滿記憶，新年全盒必備，價錢經濟實惠。
樂嘉杏仁糖
拖肥糖外包覆朱古力和杏仁碎，金色錫紙包裝，充滿節日氣氛，近年更有不同選擇，黑朱古力、焦糖、腰果等不同口味，可以慢慢揀。
金沙朱古力
另一款包裝充滿節日氣氛的朱古力，榛子醬夾心，又係過年經典之選。
蛋卷曲奇
丹麥藍罐曲奇
早年廣告播到入屋，帶領一眾牛油曲奇佔有你個胃。
另一個選擇就係蛋卷
本地有恆香老餅家，亦都有日本、歐洲等來佬貨，雖然落重牛油高卡路里，總要食一兩件先算過年！
堅果、乾果
健康一族可以考慮堅果，例如開心果、核桃、杏仁，富含蛋白質和維他命，尤其適合素食的朋友，做日間的小零食或者在早餐、甜品時加入無論果仁或者提子乾、紅莓乾都能夠為食物增添風味（ 賣相）。
海味乾貨
零食類有好多選擇，乾貨、參茸海味你又識唔識揀？
廣東人喜歡煲湯，蟲草花和猴頭菇、霸王花乾、菜乾都是不錯的選擇，一些乾貨行備有湯包套餐，根據季節推薦適合的湯水。
臘肉、臘腸、臘鴨都讓人聯想到冬天和煲仔飯，口味傳統的香港人，相信難以抵擋這類食材的誘惑！
如果身邊有喜歡海鮮的朋友，可以考慮送他們蠔豉、蝦乾、魚乾、魚子。香港是漁港城市，不少地方都有海味場，漁家人手晾曬，大澳、長州、流浮山等地都有自家製的乾貨，地道有溫情，價錢又公道。
海味豐儉由人，想透過年貨表達對對方的重視，有不少名貴食材
可供考慮，鮑魚、花膠、海參、元貝等，亦有大家族的朋友會在家為幾十口準備一餐豐富隆重的團年飯，少不免要入貨為這餐團年飯做好準備。
年糕、盆菜
年糕寓意步步高升，過年又點少得？
除了紅糖糯米年糕，廣東人亦都又不少其他糕點選擇，甜食的糕點還有馬蹄糕、椰汁糕；鹹味糕點亦有不少選擇，白蘿蔔在冬季當造，傳統會加入臘腸、海味製成的蘿蔔糕；另一個秋冬當造食材——芋頭亦常見被製成臘味芋頭糕。
除此之外，相信不少人會在團年飯的時候選擇盆菜，親朋戚友圍爐而坐，暖融融一起分享飽盛海味的盆菜，再幸福不過。
無論體積大件嘅禮盒或份量十足嘅過年食材，今年唔使再自己拎，Call Lalamove幫您送貨啦！
