【客戶分享—Rias Coffee】咖啡店疫下轉攻網購市場 夥拍Lalamove開拓商機生意增15% | 網誌 | Lalamove香港

疫情為香港人的生活帶來不少改變及影響，餐飲業更是疫情下首當其衝的行業，因此不少食店餐廳都盡出奇招，積極地靈活應對。今次與大家介紹疫情期間將經營模式不斷提升的咖啡烘焙店Rias Coffee Roastery Lab，分享如何在疫市轉型自救，夥拍Lalamove提供即時送貨，開拓新商機。

精選各地烘焙咖啡豆 味遊世界 

Rias Coffee Roastery Lab是一家集合炒豆工房、咖啡班及Cafe、網上銷售的咖啡店。咖啡烘焙師Margaret，本身非常喜歡咖啡，所以決定搜羅世界各地的咖啡豆與香港人分享:「我哋2014年開始有自己嘅炒豆工房，推廣手工咖啡豆。嗰陣香港好難揾啲精品咖啡豆，通常都係炒到油淋淋、黑麻麻，所以我哋決定揾唔同產地、唔同花果香味嘅精品咖啡豆，等大家有多啲選擇。」 

疫情下將經營重心轉至線上 開拓新商機

雖然在家工作令生意有所受影響，但Margaret認為反而令佢哋同客人關係拉近：「咖啡店要停堂食，加上位於觀塘商業區，人流受work from home影響，好多時客人唔能夠睇我哋即場沖煮，又唔可以親自嚟㨂咖啡豆，變咗我哋會拍片隔空教佢哋沖煮。雖然距離遠咗，但同客人嘅溝通反而多咗。」

面對艱難環境，Margaret決定改變咖啡店經營方法：「我哋將生意重心轉為網上銷售，並完善網上購買流程和物流，由疫情前需時一星期到貨，現時控制於即日或翌日出貨。客人更可選擇Lalamove 即時送貨，效率快好多。」能夠提高生意額，Margaret認為主要因為疫情期間，香港人要長期留家令他們有更多時間享受高品質咖啡，同時令咖啡豆需求增加。 

選擇可靠物流夥伴 用Lalamove即日送貨 

生意轉型，除了要靠店家靈活應變，選擇可靠的生意伙伴亦是成功之道。Rias Coffee Roaster由2月開始與Lalamove結緣，Margaret稱：「記得當時有其他運送平台都未必可以送上門，增加咗我哋出貨難度，所以我哋改用Lalamove即日送上門俾客人，可以滿足疫情期間唔方便出門嘅顧客。」

Rias Coffee Roaster亦參加了Lalamove於2月推行的「撐你撐中小企」計劃，計劃有超過170間商戶參與，參加商戶遍及不同範疇，包括餐飲美酒、美食到會、生活百貨、運動用品、電子產品等，希望在疫情下免費為商戶推廣優惠。Lalamove除了通過自家平台及其他宣傳渠道推廣，商戶更可利用Lalamove快速、可靠的送貨服務，推動留家消費。

疫情期間，消費者更注重生活質素，又想體驗方便的購物流程，客人只要買滿一定金額，Rias Coffee就會免運費用Lalamove將產品送上門；Margaret認為，新模式令客人滿意，同時令Rias營業額上升15%，吸引到新客戶，絕對是雙贏。