Nahihirapan ka bang mag cash out, Bossing?
Bilang Lalamove driver, matapos ang mahaba at nakaka pagod na biyahe, deserve mong makuha din agad-agad ang iyong kita. Alamin ang proseso dito at iba pang importanteng detalye para mas mapadali ang pag-cash out!
Alamin kung magkano ang kinikita ng isang Lalamove Partner Driver dito:
PAANO MAGPA-ENROLL NG GCASH O MAYA KYC AT MAG-CASH OUT?
STEP 1. MAGPA-ENROLL NG IYONG GCASH O MAYA NUMBER SA AMING DISBURSEMENT SYSTEM
I-fill up alinmang applicable sa iyo na form:
○ GCash account number: CLICK HERE
○ Maya account number: CLICK HERE
Paalala: Verified Partner Driver GCash o Maya numbers lang ang aming ie-enroll. Ang 24-72 hours enrollment ay tuwing business days (Mon-Fri, maliban pag holidays).
Enrolled na ang iyong account number kapag nakatanggap ka ng notification sa iyong driver app na maaari ka na kumuha ng ‘paid by credit’ orders.
STEP 2. PILIIN AT I-REVIEW ANG IYONG E-WALLET DETAILS
Buksan ang iyong Lalamove Driver App at piliin ang "Wallet". Sa iyong E-wallet details, i-edit o i-review ang iyong E-Wallet Information ayon sa pina-enroll mong GCash o Maya number.
STEP 3. MAG-CASH OUT
Sa iyong Lalamove Driver App Wallet, piliin ang "Cash Out" at ilagay ang halaga na gusto mong i-cash out. Siguraduhin na wala kang pending orders, complaints, o account deletion request para maiwasan ang pagka-reject ng iyong cash out.
CASH OUT SCHEDULE
Ang lahat ng Lalamove driver cash out requests ay maibibigay rin sa'yo kinabukasan o next business day (Mon-Fri) kung kailan ka nag-request, Bossing!
Halimbawa:
Cash Out Request: Monday
Process & Disbursement: Tuesday
• Kung nag-cash out request ka ng Friday, Saturday, o Sunday, makukuha mo na din ito sa Monday.
• Kapag may holiday: Ang iyong request na isang araw bago mag-holiday, makukuha mo ito sa susunod na business day.
Halimbawa:
Cash Out Request: Wednesday
Holiday: Thursday & Friday
Process & Disbursement: Monday
TIPS PARA MAIWASANG MA-REJECT SA KYC ENROLLMENT
Bilang Lalamove driver, importanteng tama lahat ng detalyeng nakasaad sa GCash or Maya Profile Information mo.
Para hindi ma-reject sa pag-enroll, siguraduhing tama ang spelling ng iyong pangalan, walang abbreviation, malinaw ang photo, at hindi expired o tampered ang pagkakakuha na ID.
Kapag na-approve na ang iyong KYC enrollment, ang iyong cash out request ay mapo-proseso na at wala nang magiging aberya sa mga susunod na cash out.
Kung walang cashout request nagawa sa loob ng 2 months ay uulitin muli ang KYC process bago magkapag-cash out.
Paalala: Iwasang palitan ang iyong GCash o Maya number na verified na sa KYC para walang maging problema sa iyong mga susunod na cash out.
#BIYAHESSENTIALS NG ISANG LALAMOVE DRIVER
Maliban sa pag-cash out, sa panahon ngayon, importanteng handa ka sa bawat biyahe bilang Lalamove driver.
Maraming pwedeng ‘di inaasahang pangyayari ang naka-abang tulad ng mga posibleng aksidente, flat tire, biglaang ulan, atbp.
Ikaw man ay isang ganap na Lalamove Partner Driver o naghahanap ng delivery driver job, ito ang mga dapat na bitbitin at siguraduhin bago pumasada:
• TUBIG. Pwedeng bumili sa malapit na convenience store o bumili ng sarili mong tumbler para mas makatipid. I-refill mo nalang ng malamig na tubig at siguradong buhay ka sa maiinit na biyahe!
• EXTRA TIRE. Para sa mga 4-wheel drivers na may malayong biyahe, maging handa sa mga hindi inaasahang matatalim na bagay sa daan at bigat na hindi kaya ng iyong sasakyan para maiwasan ang flat tire. Para maiwasan ang hassle na tumawag at maghintay ng matagal sa tulong, i-ready ang spare tire sa likod ng sasakyan.
• GEARS. Maging handa sa pabago-bagong panahon! Kung 2-wheel vehicle driver ka, laging siguraduhin na may helmet, knee pad, elbow pad at iba pang gears bago pumasada sa daan. Safety first, Bossing!
• FIRST AID KIT. Siguraduhing may band aid, medical gauze, alcohol cotton, medical tape, scissors, antiseptic cream, etc. para kung sakaling may di inaasahang pangyayari at malayo pa ang ospital, pwede mo muna remedyuhan ng mga ito.
• BAON. Mag-baon ng almusal, pananghalian at hapunan kung kinakailangan. Pwede ka ring sumabay sa iba pang tropa sa daan na Lalamove partner driver para mas masarap ang kainan. Salu-salo at may kasamang kwentuhan!
• AUTOMOTIVE TOOLS. Maghanda ng wrench, screwdriver, pliers, trolley jacks, multimeters, jumper leads, hammers, atbp. Kasyang-kasya ang isang automotive tool set sa trunk ng kahit anong 4-wheel vehicle. Kung ikaw naman ay 2-wheel driver, kahit yung mga pinaka importante lang ang isiksik para sa sariling seguridad.
• RAINCOAT / KAPOTE. Bumili ng pansarili mo at mga susunod mong pasahero para swabe ang biyahe kahit magkaron ng 'di inaasahang pag-ulan. Piliin ang medyo maluwag na size para makagalaw parin nang maayos habang nagmamaneho.
Laging driver on hire dito kaya kung nagbabalak ka mag-aya ng iba pang soon-to-be Bossings, ituloy mo na! — Sali na sa Liga ng mga Bossing FB Group
RELATED POSTS:
• Magkano ang kita ng mga Lalamove Partner Driver?
• Panalomove: Fuel, Rebates at Free Services galing Petron
• Paano kumita ng 70K bilang Lalamove Partner Driver?
